想同大家宣布一件事，亦想同大家講下近況。
近幾年來，我飽受某種疾病影響，所以夜晚瞓覺唔會得到充分休息，基本上我整個身體都依舊運作，基本上無睡眠可言。但以前我因為靠住「年輕」本錢，所以一直無視，但年紀漸大，身體開始頂唔順，基本上我每日都帶住疲倦身體返工同生活，日況愈下。
所以大家都可以從我產量之中睇得出，由以往每年都起碼出十幾廿篇故事，以至近年每幾個月或半年先出一個故事……基本上唔係我唔想寫，而係有心無力，加上創作係需要花更多精神同耐性，每篇故事都係我嘔心瀝血咁去創作出嚟，亦都因為咁，所以我有時侯都會逃避，寧願休息多啲或去玩樂娛樂仲好。
但我打從心底係好鐘意創作，有更多故事想分享比大家睇，至少係香港近年無咩心機娛樂，我都希望能夠創作故事之中帶點娛樂比大家。
所以我一直都唔想放棄寫作，唔想放棄孔明呢個身份。
一直以來，由於政見問題，所以唔會有廣告搵我。我亦都默默免費為大家提供故事咗十年，每年出本書叫做賺下外快，但收入真係極低，加上疫情下，書展攪唔成，更加百上加斤。
唯有能夠支撐我寫作，係呢家寫緊嘅專欄公司，因為我嘅故事為佢帶來極高點擊率，所以一直鼓勵我堅持寫落去。亦證明咗，只要付費，我自然有動力，亦都有種責任去創作回饋對方。
所以我都無可奈何咁開設patreon，我知道我呢家先講patreon已經太遲，因為好多作家、名人、kol都一早開設patreon供讀者訂閱，但我一直都拒絕，一來我害怕無人訂，二來收錢嘅話，唔知讀者點睇我。
但呢一刻，我希望大家可以支持我，訂閱我嘅patreon，為我加點動力。我已經將我以往嘅長篇故事（坊間係搵唔到）上傳咗上patreon，嚟緊我亦會每星期保證至少創作一篇或多於一篇故事上patreon，內容題材會更盡，因為facebook平台始終唔可以寫得太敏感太露骨。
當然，如果訂閱人數太少，我亦都會好好考慮寫作條路係咪係時侯終結，而專注返自己工作生活。我亦會月底前取消patreon比大家退訂閱。
點都好，感謝大家。
我唔係好識攪呢啲網站，我自己都研究咗好耐，有咩問題大家研究下。
暫時放咗以下幾篇長故比大家訂閱嘅人睇住先 ＝」
1. 《要生存，先要殺死自己》
2. 《we always get lost at 25》
3. 《一個會穿越時空的男孩》
以下係訂閱網址，希望多啲讀者跟隨我走…
https://www.patreon.com/Homing
Search